Kiel enkonduki Esperanton en 50 minutoj?

Mi regule estas petata por enkonduki Esperanton, kaj havas nur 50 minutojn. Dum la lingvofestivaloj en Luveno mi ĉiam havis la honoron esti petata por prezenti Esperanton kaj en taksoj poste mi ricevis 94 ĝis 98%. Tio estis por miksita publiko. Mi ankaŭ estas daŭre reinvitata al lernejo dum lingvotago por junuloj de 17 ĝis 18 jaroj, kie mi sukcese uzas la saman prezentaĵon. Pro la bonaj komentoj, mi ŝatus informi vin pri kiel mi faras. Vi povas uzi mian prezentaĵon, ŝanĝi ĝin aŭ uzi partojn el ĝi. Aŭ ĝi povas doni ideojn.

Ĉar nur la materialo ne sufiĉas por scii kiel uzi ĝin, Cyrille Hurstel faris filmon de mi pri kiel fari. Vi povas trovi ĝin en youtube: youtube.com/watch?v=fLq5ps5VS-c&list=PLGpdMtPec0ih0OcExibaEazxNqDLiGHT3 . Ĉar pli da homoj komprenas la Anglan ol la Nederlandan, mi faris ĝin ankaŭ en la Angla. La Angla estas nur mia kvara lingvo, sed helpos por kapti la ideon.

Kiel enkonduki Esperanton en 50 minutoj:

• Memprezentado
• Klarigi ke vi laŭtlegos 'La ŝalmisto de Hamelin' tuj, sen iu klarigo, kaj ke viaj aŭskultantoj devos provi kompreni.

• Laŭtlegado de 'La ŝalmisto de Hamelin': konoj.org/sxalmisto/SxalmistoDeHamelin.odp aŭ konoj.org/sxalmisto/SxalmistoDeHamelin.pdf

• Demandu ĉu ili komprenis, kaj ili mirinde havos la senton preskaŭ ĉion kompreni. Tio estas tre impona por ili: aŭdi rakonton en fremda nova lingvo kaj tuj kompreni. Oni ne plu devas klarigi ke Esperanto estas relative facila, ili tuj mem spertas. Mi nur faris por Nederlandlingvanoj, sed mi supozas ke sambone funkcios por aliaj Ĝermanaj kaj Latinidaj lingvoj. Interese por scii ĉu ankaŭ ĉe aliaj lingvoj.

• Klarigado de la tuta gramatiko de Esperanto per la rakonto: Nederlande: konoj.org/sxalmisto/esperantoPerSxalmistoNL.odp aŭ konoj.org/sxalmisto/esperantoPerSxalmistoNL.pdf
  Angle: konoj.org/sxalmisto/esperantoPerSxalmistoEN.odp aŭ konoj.org/sxalmisto/esperantoPerSxalmistoEN.pdf

  
  Germane (danke al Heinz-Wilhelm Sprick): konoj.org/sxalmisto/esperantoPerSxalmistoDE.pptx
  ... Via lingvo? Traduku kaj mi aldonos.
• En la filmo mi mem tradukas, sed kun publiko mi lasas la ĉeestantojn unu post la alia traduki frazo(j)n. Mi faras lauvice por ke ĉiu foje devas traduki, kaj tiel ili ankaŭ povas antaŭvidi kiam ili devas fari. La plimulto bone sukcesas.
• Kaj restas ankoraŭ tempo por demandoj. Lastfoje mi eĉ ankorau havis tempon por 1 aǔ 2 lecionoj de la BEK-kurso. En la komenco mi relegis la rakonton ankoraŭfoje ĉe la fino, sed nun ne plu. En la filmoj prenas iom pli da tempo ol en la vera vivo, ĉar iu alia devis ŝanĝi la ekranojn kaj mi do devis iomete atendi. Mi ankaŭ malmulte preparis min por la filmoj kaj ĉio devis esti bona en unu fojo. Sed do, ĉio eblas en 50 minutoj.
• Ili ricevas papere informojn pri Eo, superrigardon de la gramatikon kaj iom da vortprovizo. Ankoraŭ nur Nederlandlingve: konoj.org/sxalmisto/Esperanto.doc

Mi ankaŭ ŝatus fari la filmon en la Franca, sed mi ne sufiĉe regas la Francan por traduki. Do, helpo bonvenas. Fakte, se iu pretas korekti kion mi skribis kaj diris en la Angla, mi ankaŭ iam refarus. Ankaŭ denaska parolanto povus fari.

Bart